Tabriklaymiz va hayotingizning eng ajoyib va mo‘jizaviy davriga xush kelibsiz! Ehtimol siz allaqachon homiladorlikni his qila boshlagansiz. Hafta o‘tishi bilan siz tanangizdagi o‘zgarishlarni ham ko‘rasiz. Homiladorlikning haftalik sahifalarida har hafta nimalar bo‘alishini bilib olish uchun hozirdan kuzatib borining!

Sizning oldingizda ichingizdagi bolaning kundan kun o‘sib borishini kuzatadigan 40 haftalik bebaho davr bor. Biz har hafta siz uchun qanchalik qadrli ekanligini bilamiz. Shuning uchun ushbu sahifani homiladorlik haftasini tushunish va undan zavqlanishni osonlashtirish uchun tashkil qildik..

Sog‘lom homiladorlikni kuzatish uchun, birinchi navbatda, siz "trimestr" so‘zini uchratishingiz turgan gap. Balki bu siz ushbu jarayonda eng ko‘p eshitadigan so‘zdir.

Trimestr nima?

Trimestr - bu 9 oylik homiladorlik jarayonining har 3 oylik davrlariga berilgan nom. Ya’ni, homiladorlik davri 3 trimestrga bo‘linadi. Ilk 3 oylik palla 1-chi trimestr, 4-5 va 6-oylar - 2-trimestr va 7-8 va 9-oylar - 3-trimestrni anglatadi. Boshqacha qilib aytganda, homiladorlikning 3 oylik davrida boshdan kechirgan 3 ta muhim burilish nuqtalari mavjud.

Birinchi trimestr (ilk 3 oylik palla) homiladorlikning dastlabki belgilariga qarshi kurashishga va tanangizni homiladorlik davriga moslashtirishga harakat qiladigan vaqt. Bola va uning organlari asta-sekin shakllana boshlaydi ...

Ikkinchi trimestr (ikkinchi 3 oylik palla) - homiladorlikning “asaloyi” davri. Bu homiladorlik uchun odatlangan trimestr bo‘lib, sizning ilk palladagi shikoyatlaringiz kamayadi va siz uchun aksariyat hollarda eng muammosiz o‘tadigan davr. Homila uchun esa katta tezlikda o‘sishni boshlagan davr.

Uchinchi trimestr (oxirgi 3 oylik palla) endi oxirgi hal qiluvcha palla. Homiladorlikning “asaloyi” davri tugadi va bu davrda ayrim muammolar boshlanishi mumkin. Bu tug‘ruq va u bilan bog‘liq xavotirlar boshlanadigan davr va ayni paytda farzand ko‘rish istagi eng yuqori bo‘ladi. Kichkintoy endi loviyadek emas, u haqiqatan ham go‘dak va u tug‘iladigan kun uchun barcha tayyorgarlikni amalga oshiradi.

Garchi siz homiladorlik trimestrlari orasidagi aniq o‘zgarishlarni boshdan kechirsangiz ham, asli homiladorlikning necha haftali ekanligi muhimdir.

Homiladorlik haftalari orasida chaqaloqda ham, sizda ham o‘zgarishlar, rivojlanishlar va alomatlar bo‘ladi. Shuningdek, hafta-hafta sizda bo‘ladigan o‘zgarishlarga va umumiy masalalarga ham to‘xtalamiz.

Bizning haftalik homiladorlik sahifamizdagi maqolalarimiz mutaxassis shifokorlar tomonidan tasdiqlangan va ishonchli manbalar tomonidan tasdiqlangan bo‘lsa ham, har doim o‘z shifokoringiz bilan sog‘lig‘ingiz va tashvishlaringiz haqida gaplashishingizni maslahat beramiz. Chunki bu yerdagi maqolalar sizni tashvishlaringiz va qiziqishlaringizni so‘z bilan aytishga majbur qilishi mumkin. Bu sahifa sizga umumiy o‘laroq homiladorlik jarayoni haqida tushuncha berishi mumkin.

Endi o‘tiring, orqaga suyaning, dam oling va homiladorligingizdan zavqlanishga va’da bering. Hayotingizda eng qiziqarli va eng katta mukofotga sazovor qiladigan sarguzasht boshlanadi!

Homiladorlikning 1-haftasi