O‘zingizga doim foydali mashg‘ulotlar topib, band bo‘lishga harakat qiling. Odatdagi faol hayot tarzingizni, juda jiddiy zarurat bo‘lmaguncha, davom ettiring. Qancha ko‘p band bo‘lsangiz, homiladorlik muammolari haqida tashvishlanishga kamroq vaqtingiz qoladi.

Maqsadlarga yo‘naltirilgan hayot tarzi yashang. Umr yo‘ldoshingiz bilan kichik maqsadlar qo‘ying va muvaffaqiyatga erishganingiz bilan mamnun bo‘ling. (birga kitob o‘qing, birga jismoniy mashqlar qiling, zakovatni charxlaydigan o‘yinlar o‘ynang va h.k.) Keyin yana bir yangi maqsad qo‘ying va shu shaklda muntazam takrorlang.

Ruxiy ehtiyojlaringizni qondirish uchun tavsiyalar

O‘z bilimlaringizni rivojlantiring. Homiladorlik va uning muammolarini qanday bartaraf etish haqida ma’lumot olish uchun kitoblar yoki maqolalar o‘qing, turli dasturlarda ishtirok eting va foydali seminarlarni tinglang. Bu xuddi sho‘ng‘ishdan oldin hovuzning chuqurligini bilishga o‘xshaydi. Sizni ko‘p mashaqqatlardan xalos qiladi.

Tajribali insonlar bilan gaplashing (yaqin dugonangiz yoki opangiz ham bo‘lishi mumkin). Ehtimol, siz ularning tajribasidan foydalanishni yoki ulardan farqli bajarishni istagan narsalarni uchratarsiz.

Badbin (pessimist) va tushkun kayfiyatdagi ona - bu badbin va tushkun bola degani. Yodingizda bo‘lsin, depressiya - bu buzilishning retsepti. Tadqiqotlar shuni ko‘rsatadiki, onaning ruhiy tushkunligi bolaning me’yoriy rivojlanishini sekinlashtiradi, uning xotirasiga salbiy ta’sir qiladi va aqliy rivojlanish borasida ham kechikishiga sabab bo‘ladi. Ayricha, ruhiy tushkun ona bolaning qo‘rqoq bo‘lib qolishiga sabab bo‘ladi. Ko‘rib turganingizdek, onaning tushkunligi uzoq muddatga ta’sir qiladi. Sizning ruhiy holatingiz bevosita farzandingizning ruhiy holatiga ta’sir qiladi. Shunday ekan, agar sizning his-tuyg‘ularingiz tushkun holatda bo‘lsa, darhol kuchingizni sizni xursand qiladigan sabablarni topishga safarbar qiling. Ijobiy fikrlashga odatlaning va atrofingizdagi odamlardan ijobiy fikr yuritish uchun yordam so‘rang.

Stressni tezda bartaraf qiling. Stress chaqaloqning asab tizimiga ta’sir qiladigan katexolamin deb nomlanuvchi gormon ishlab chiqaradi.

Farzandingizga ovoz chiqarib kitob o‘qing. Bu asta-sekin bolaning kelajakdagi hayoti uchun o‘qish odatini singdiradi. Ushbu odatni shakllantirishda siz turmush o‘rtog‘ingiz bilan hamkorlik qilishingizda foyda bor. Ba’zida, chaqaloqqa onasi kitob o‘qisa, ba’zida otasi bu ishni amalga oshirishi mumkin.

Hissiy ehtiyojlarni qondirish bo‘yicha tavsiyalar

Perinatologiya (tug‘ruq oldi va tug‘ruq) sohasi tadqiqotchilari onaning fikrlari va hissiyotlarini qorindagi go‘dak qanday sezishi orasida ayrim aloqalar mavjudligiga va olti oylikdan to tug‘ruqqacha chaqaloq onaning hissiyotlarini o‘zaro bog‘langan gormonlar orqali ifoda eta olishiga ishonadilar.

Homilangiz o‘sib ulg‘aygan sayin, u doimiy ravishda onasidan axborot oladi. Bola homiladorlikning 20-haftasida tovushlarga javob beradi. “Albatta, Biz insonni aralash nutfadan yaratdik. Sinash uchun, bas, uni eshitadigan, ko‘radigan qildik”. (Qur’on-Karim, Inson surasi, 2-oyat) Shunday ekan, chaqalog‘ingiz bilan gaplashing! “Bolam, otang kelyapti. kel, tayyorlanamiz”. “Onang hozir ibodat qilmoqchi, yaxshi bola bo‘lgin”. “Kichkintoyim, sen uchun ovoz chiqarib o‘qiyman, diqqat bilan quloq sol” kabi iboralar bilan rostakamiga gaplashing. Ular tashqi dunyoda nima bo‘layotganini bilishadi.

Homiladorlikni eng chiroyli tarzda o‘tkazish uchun tavsiyalar

Mavzuga oid boshqa materiallar

Ma'lumot topilmadi