Implantatsiyaoldi Genetik Tekshiruvi (inglizcha: PGD - Preimplantation Genetic Diagnosis) — bu mikroskop nazorati ostida embriolog tomonidan har bir embriondan (embrion 3 sutkada me’yorda 6-8 hujayradan iborat bo‘ladi) bitta hujayrani ajratib olib, ushbu hujayrani genetik tahlil qilish usulidir. Natijada sog‘lom deb topilgan embrion bachadonga ko‘chirib o‘tkaziladi.

Mazkur usul oilaviy juftliklarning ehtimoliy irsiy nuqsonlarini oldindan aniqlash imkonini beradi. Masalan, mukovissidoz, gemofiliya, talassemiya, Daun sindromi kabi onaning yoshi o‘tgan sari ko‘proq uchraydigan irsiy kasalliklarni aniqlab, oldini olish maqsadida qo‘llaniladi.

Irsiy yoki xromosoma anomaliyali ayollar uchun homiladorlikdan oldin tuxum hujayralarda yoki embrionda kasallik borligini tekshirishda katta yordam beradi. Ushbu muolajalar "in vitro" urug‘lantirish dasturi doirasida amalga oshiriladi. Tekshirish uchun zarur bo‘lgan irsiy material yordamchi reproduktiv laboratoriya texnikasi yordamida olinadi. Embrionning irsiy xarakteristikasini tekshirish usullari, bachadon bo‘shlig‘iga irsiy sog‘lom materialni o‘tkazish uchun xizmat qiladi.

PGD bilan birga olib boriladigan EKU muolajasi 35 yoshdan katta ayollarga, oilasida ma’lum irsiy kasalliklari bo‘lgan ota-onalarga, bola tushishlari kuzatilgan va avvalgi ekstrakorporal urug‘lantirish muvaffaqiyatsiz bo‘lganlarga tavsiya etiladi. PGDdan foydalanish EKU muvaffaqiyatini oshiradi va farzandning yaxshi genotip bilan tug‘ilish imkoniyatini sezilarli darajada oshiradi.

Reproduktolog, ginekolog Nilufar Kabilova

NGS nima?

Mavzuga oid boshqa materiallar