Ijtimoiy tarmoqlarda "yoppasiga" "qizlik parda o‘zi mavjud emas emish..." degan postlar, bu haqida bizga murojaatlar ko‘payib qoldi.

Assalom alaykum. Iltimos, menga qizlik pardasi haqida töliq ma’lumot bersangiz. U parda rostdan ham mavjudmi? Chet eldagi doktorlar buni safsata deyishyapdi. Bunaqa narsa mavjud emas va bu gaplar faqatgina qizlarning bokiraligini saqlash uchun aytilgan holos deyishyapdi. Hech qaysi qizning jinsiy aloqa qilganini bilish umuman ilojsiz deb aytishyapdi. Xatto doktorlar ham, tekshirish orqali ham bilmas emishlar. Qizlik pardasiga ishonadiganlarni ilmsiz va qoloq insonlar deyishyapdi.

Ginekolog Kabilova Nilufar Abdurahimovna dan javob:

Siz qaysi manbaga tayanib aytayapsiz, bilmayman. Ammo Yevropada bu naraslarga ahamiyat berilmaydi va qizlarni turmush qurishdan oldin tajriba orttirishga ham tashviq qilishadi. Bu - ataylab qizlarni buzuq yo‘lga chorlash uchun o‘ylab topilgan gaplar. Toki o‘zi nomussiz bo‘lgani uchun boshqalarni ham shunday bo‘lishini istaydi. Qizlik pardasi mavjudligini shuncha yil asrlardan beri har bir qiz va ayol tasdiqlab turibdi-ku. Qizlik pardasini tiktirish tiklash usullarini ham o‘ylab topishyapti. U xolda yo‘q narsani nima qiladi tiklab. Parda bo‘lmaganda ham biz nomusli xalqimiz va nomusimizni muhofaza qilamiz va bunday xabarlarga e’tibor bermaymiz. Kim uchun nomus muhim bo‘lmasa ular bilan ishimiz yo‘q. Dinsiz, imonsizlar nima qilsa qilaversin o‘zi javob beradi. Hamma payg‘ambarlardan qolgan hech eskirmagan bir hikmat bor: "Agar uyalmasang, bilganingni qil!". Bizni gapimiz nomusli, e’tiqodli axloqli qiz va ayollarfa tegishli. Mana bu ma’lumotlar ilmiy manbalardan olingan:

Qizlik pardasi turli shakllarga ega bo‘ladi: doirasimon, yarimoysimon, qirrali, labsimon, o‘simtasimon, popuksimon, qiyshiqsimon va boshqa.

Bunday shakllardan tashqari, qizlik pardasi go‘shtsimon chekkalarining yuqori joylashganligi, tabiiy o‘yiqlarning bo‘lishi bilan ham ta’riflanadi. Tabiiy o‘yiqlar yuzaki va chuqur joylashgan bo‘lishi mumkin, lekin qizlik pardasining asosiga yetmaydi.

Qizlikning eng asosiy belgilaridan biri bu teshik atrofi bo‘ylab uning qisqarishidir.

(«aylana qisqarishi»). Bunda kichik barmoqni qizlik parda teshigiga tiqilganda, uning elastikligi buzilmagan bo‘lsa, aylana qisqarishini sezish mumkin.

Nomusga tegish jinoyatini aniqlashda qizlik pardasini yirtilib yirtilmaganini tekshirish sud-tibbiyot ekspertizasida mavjud.

Qizlik pardasi, Gimen, ya’ni iffat pardasi qin dahlizi va uning bo‘shlig‘i orasida, taxminan, 1,5-3 sm ichkarilikda joylashgan shilliq qavat burmalaridan iborat bo‘ladi. Bokira qizlarda qin teshigi tashqaridan kirilgan tomondan nozik biriktiruvchi to‘qimali nomus pardasi bilan qoplangan bo‘ladi. Iffat pardasi homiladorlikning beshinchi oyidan boshlab ona qornida shakllanadi. Bu shilliq qavat burmalari qinga kirish hududini 0,5 smdan — 2 smgacha bo‘lgan qalinlikda qoplagan. Hayz qoni chiqib turishi uchun bokiralik pardasining bir yoki bir necha joyida me’yoriy teshiklari mavjud bo‘ladi. Qizlik pardasining eng ko‘p uchraydigan turi — markazida bir xalqasimon teshigi mavjud xilidir.

Anatomik tuzilishi bo‘yicha qizlik pardasining quyidagicha turlari tafovut qilinadi:

1. Xalqasimon bir teshikli.

2. Yarim oy shaklli.

3. Naysimon tusli.

4. Qo‘sh pallali.

5. Orolchasimon, ya’ni turli joylarida o‘simta qoldiqli iffat belgisi.

6.Spiralsimon tusli.

7. Panjara shaklli, ya’ni ko‘p teshikli qizlik pardasi.

8. Labsimon tusli, ya’ni qo‘sh teshikli gimen.

9. Tilimsimon shaklli.

10. Teshiklari ilg‘ab bo‘lmaydigan shaklli.

Qizlik pardasini bo‘shang yoxud qattiqligi, ya’ni konsistensiyasiga qarab to‘rt turga ajratish mumkin:

a) tolasimon;

b) bo‘shashgan, mayinroq;

v) elastik-cho‘ziluvchan;

g) go‘shtdor.

Kamdan kam vaziyatlarda dastlabki qovushishda og‘riq va qon chiqish hollari uchramasligi ham me’yoriy holat hisoblanadi.

Bu alomatlar quyidagi hollarda ro‘y bermasligi ham mumkin:

1. Qizlik pardasi tug‘ma bo‘lmasligi yoxud bolalikda o‘zi bilmagan holda noxos buzilgan bo‘lishi mumkin.

2. Qizlik pardasi o‘ta cho‘ziluvchan bo‘lsa, jinsiy aloqaga monelik qilmay, zakar boshiga libosdek kiyilgan holda ancha vaqtgacha yirtilmasligi mumkin.

3. Iffat pardasi qon tomirlar va asab tolalari bilan o‘ta siyrak ta’minlansa yoki ulardan butunlay holi bo‘lsa qon chiqishi va og‘riq ro‘y bermasligi ham mumkin.

4. Tajribasiz kuyov dastlabki qovushishdan so‘ng kelinchakni cho‘kkalatib o‘tqazib qo‘yishni unutsa, oz miqdorda chiqqan qonning barchasi ichkariga ketib qolishi ham ehtimoldan holi emas. Bu esa asossiz tushunmovchiliklarga sabab bo‘ladi.

5. Agar kelinchak o‘ta jussador, keng farjli va aksincha erkak olati uzun ensiz bo‘lsa ham zakar parda o‘rtasidagi xalqasimon teshikdan shikast yetkazmay o‘tish ehtimoli ham mavjud.

6. Chuqur joylashgan, qo‘shtavaqali, yengil cho‘ziluvchan, etdorroq qizlik pardasi jinsiy aloqada yirtilmay, tug‘ruq davrigacha shikastsiz yetib borishi ham hayotda goho uchrab turadi

Qizlik pardasi umuman bo‘lmasligi ham mumkinmi?

Qizlik pardasi umuman bo‘lmasligi holatlari noyob hodisadir. Shu bois, qizlarni pubertat yoshi (12-13 yosh)da bolalar ginekologiga olib borish va kelajakdagi muammolarga chek qo‘yish lozim.

Qizlik pardasi bor narsami?

Mavzuga oid boshqa materiallar